22:58 24 Баш оона 2019
Түз эфир
  • USD69.7882
  • EUR77.2311
  • RUB1.0638
Дизайнер Гульнара Каримова позирует за кулисами на показе коллекции Guli Collections Spring 2011

Гүлнара Каримованын мурдагы күйөөсүнүн мүлкү аукционго коюлду

© AFP 2019 / Amy Sussman / GETTY IMAGES NORTH AMERICA
Азия
Кыскача шилтеме алуу
401 0 0

Аукцион 10-июнга белгиленип, мүлктүн баштапкы баасы 205 миллиард сум деп коюлду.

БИШКЕК, 26-май — Sputnik. Өзбекстанда Гүлнара Каримованын мурдагы күйөөсү Рустам Мадумаровго тиешелүү Rubicon Wireless Communication ишканасы аукционго коюлду. Бул тууралуу Sputnik Өзбекстан агенттиги жазды.

Аукцион 10-июнга белгиленип, мүлктүн баштапкы баасы 205 миллиард сум деп коюлду.

Rubicon Wireless Communication Өзбекстанда уюлдук байланыш кызматтарын көрсөткөн Perfectum компаниясынын туунду ишканасы. Буга чейин ушул эле адамга тиешелүү EDEL VEYS-ALI компаниясы аукционго коюлган. Баштапкы баасы 7 миллиард сум деп белгиленгени менен учурда 4 миллиард сумга түшүп калды.

Өзбекстандын Башкы прокуратурасы билдиргендей, Мадумаров Каримованын коррупциялык иштеринин негизги фигуранттарынын бири болгон. Ар кандай сүйлөшүүлөргө Каримованын ишенимдүү адамы катары барчу. 2014-жылы Өзбекстандын соту аны эркинен ажыраткан.

Ыраматылык Ислам Каримовдун кызы учурда Ташкентке жакын жердеги №21 Зангиатин аялдар колониясында кармалып турат. Ал Кылмыш жана жаза кодексинин бир нече беренеси менен 2017-жылы 5 жылга эркинен ажыратылган. Ага тагылган айыптардын арасында бирөөнүн мүлкүн, тагыраагы, дал ушул уюлдук байланыш боюнча компанияларды басып алуусу боюнча далил келтирилген.

Башкы прокуратура эки кылмыш ишинин негизинде Каримова келтирген чыгым 2 миллиард долларга жеткенин билдирген. Өзбекстан анын 12 өлкөдөгү активдерин камакка алууну демилгелеген. Эсептей келгенде, акчалардын жалпы суммасы 1,5 миллиард долларга жеткени айтылууда.

Тема боюнча

Гүлнара Каримова кайсы абакта экенин адвокаты айтып берди
Гүлнара Каримованы абакка отургузушту. Өзгөртүлгөн өкүм
Белгилер:
аукцион, мүлк, Гүлнара Каримова

ЭҢ МААНИЛҮҮ