БИШКЕК, 4-фев. — Sputnik. Ай санагы боюнча белгилене турчу Кытай жаңы жылын кытайлыктар чет жакта белгилөөгө кызыгышат. Быйыл 6,15 миллион сапар катталганын РИА Новости билдирди.
"Чуньцзе" (Жаз майрамы же Жаңы жыл) майрамы 28-январга караган түнү келди. Быйыл Кытайда расмий майрамдар 27-январдан 2-февралга чейин бир жумага созулду. 2017-жылы чыгыш жыл санагы боюнча короз жылы келди.
Кытайдын туризм боюнча мамлекеттик башкармалыгынын маалыматына ылайык, быйыл кытайлыктар 2016-жылга салыштырмалуу сыртка жети пайызга көп чыгышкан. Былтыр 5,2 миллион кишини түзгөн.
Жалпылап айтканда Ай санагы боюнча белгилене турган Жаңы жыл майрамында Кытайдын туристтик тармагы 423,3 миллиард юань (болжол менен 61,7 миллиард доллар) иштеп табышкан. Ошол эле учурда Жаз майрамы маалында Кытайга 344 миллион киши турист катары келишкен. Бул былтыркы жылга салыштырмалуу 13,8 пайызды түзөт.
