12:43 13 Жетинин айы 2019
Түз эфир
  • USD69.8469
  • EUR77.0062
  • RUB1.0939
Белоруссиянын президенти Александр Лукашенконун архивдик сүрөтү

Лукашенко Ислам Каримовдун бейитине гүл койду

© Sputnik / Сергей Гунеев
Азия
Кыскача шилтеме алуу
Өзбекстандын туңгуч президенти Ислам Каримов дүйнө салды (22)
85 0 0

Пакистандан Минкс шаарына кайткан Белоруссиянын президенти Өзбекстанга жумушучу сапары менен кайрылды. Ал жактан премьер менен жана маркум президент Каримовдун жесири менен жолукту.

БИШКЕК, 6-окт. — Sputnik. Бейшемби күнү Белоруссиянын президенти Александр Лукашенко Пакистанга расмий иш-сапары менен барып, күндүн экинчи жарымында Минск шаарына кайткан. Жолдон анын учагы Самарканддын аэропортуна конгонун Sputnik Белоруссия өлкө башчысынын маалымат кызматына таянуу менен билдирди. 

Аэропорттон Лукашенкону Өзбекстандын президентинин милдетин аткаруучу, премьер-министр Шавкат Мирзиёев тосуп калды.

Лукашенко Шахи Зинда мемориалдык комплексинин жанында жайгашкан "Хазрат Хизр" көрүстөнүнө барып, Ислам Каримовдун бейитине гүл коюп, ал жакка келгендер менен бир мүнөт аны эскерди.

Мирзиёев Белоруссиянын президентине "Хазрат Хизр" көрүстөнү менен мемориалдык комплекстин тарыхы тууралуу айтып берди. Андан кийин Лукашенко Форум сарайына барып, Өзбекстандын маркум президентине гүл чамбар коюп, Каримовдун жесири Татьяна Каримова менен жолугуп, ага көңүл айтты.

Эске салсак, Өзбестандын презденти Ислам Каримов 2-сентябрда 78 жашында каза болгон. Өлкөдө үч күндүк аза күтүү жарыяланган. Каримов Самарканддагы Шахи-Зинда тарыхый көрүстөнүнө коюлган.

Өзбек президентинин зыйнатына Тажикстандын президенти Эмомали Рахмон, Түркмөнстандын президенти Гурбангулы Бердымухамедов келген. Кыргызстан менен Казакстандан премьер-министрлер — Сооронбай Жээнбеков жана Карим Масимов (ошол учурда премьер-министр болгон) барган.

Кийин Өзбекстандын президентинин бейитине 6-сентябрда Россиянын президенти Владимир Путин жана 12-сентябрда Казакстандын президенти Нурсултан Назарбаев барып, Каримовдун жакындарына көңүл айткан.

Тема:
Өзбекстандын туңгуч президенти Ислам Каримов дүйнө салды (22)

Тема боюнча

Каримов доорунан кийин кыргыз-өзбек алакасы боюнча алгачкы документке кол коюлду
Путин Ислам Каримовду эскерүү үчүн Самаркандга келди
Белгилер:
Ислам Каримов, Александр Лукашенко, Өзбекстан

ЭҢ МААНИЛҮҮ