БИШКЕК, 17-фев. — Sputnik. Республикадагы эки негизги трассага кар көчкү түшүп, жол кыймылына тыюу салынганын Транспорт жана коммуникациялар министрлиги билдирди.
Ведомство алгач Бишкек — Нарын жолундагы Кара-Үңкүрдүн тушун көчкү басып калганын маалымдап, жолдун бир тарабы жабылганын айтты.
Андан кийин Бишкек — Ош жолундагы Чычкан капчыгайынын эки жерине көчкү түшкөнү кабарланды. Ушу тапта "Сосновка" жана "Арал" постторунда кыймылга убактылуу чектөө киргизилген.
Эки трассада тең техника иштеп, жол тазаланууда.