БИШКЕК, 25-май – Sputnik. НАТО Эстония, Латвия, Финляндия жана Румыния мамлекеттеринде Россиянын чек ара периметрлери боюнча киберлабораториялар тармагын түзүүдө. Алдыда Грузия менен Молдованын чек араларында да пайда болот.
Бул тууралуу РФ президентинин маалыматтык коопсуздук тармагындагы эл аралык кызматташтык маселелери боюнча атайын өкүлү, ТИМдин алдындагы Эл аралык маалыматтык коопсуздук департаментинин директору Артур Люкманов РИА Новости агенттигине курган маегинде айткан.
"Вашингтон көптөн бери маалымат чөйрөсүндө Россияга каршы гибриддик согуштун ыкмаларын иштеп чыгууда. Негизги аянтча катары Украина пайдаланылууда, алардын хакерлери, анын ичинде буга чейин айтылып келе жаткан "IT-армиясы" НАТОнун кураторлорунун колдоосу менен электрондук диверсия жасашууда", – деген ал.
Люкмановдун айтымында, Киевге Батыштын чалгындоо кызматтарынын жана куралдуу күчтөрүнүн бөлүмдөрү жөнөтүлгөнү белгилүү.
"Альянс Россиянын чек араларынын периметри боюнча Эстония, Латвия, Финляндия, Румынияда киберлабораториялардын бүтүндөй тармагын түзүп жатканы жашыруун эмес. Алдыда Грузия менен Молдовага да тартылат. Пентагондун колдоосу астында кибермашыгуулар системалуу негизде жүргүзүлүп (жакында эле АКШда Cyber Flag машыгуулары аяктады), санариптик чөйрөдө биз менен тирешүүнүн сценарийлери сыналат", – деген дипломат.