БИШКЕК, 17-апр. — Sputnik. Sputnik Кыргызстан маалымат агенттигинин пресс-борборунда өткөн брифингде "Өлбөс полк" акциясынын уюштуруучулары жүрүш борбор калаадан башка өлкөнүн кайсы аймактарында өтөрүн айтып беришти.
"Ош, Жалал-Абад, Кара-Балта шаарлары жана Ленинское, Ивановка айылдары дээрлик бардык жерде жүрүштөрдү өткөрүүгө даяр", — деди "Өлбөс полк" кыймылынын Бишкектеги координатору Зульфира Хайбуллина.
Афганстан жана башка согуштардын ардагерлеринин "Майдандагы бир туугандык" коомдук кыймылынын башкаруучулугунун төрагасы, генерал-полковник Абдыгул Чотбаев афган ардагерлери жүрүштү өз айылдарында өткөрүүнү өтүнүп, жер-жерлерге чакырып жатканын билдирди.
Афганстан жана башка согуштардын ардагерлеринин "Майдандагы бир туугандык" коомдук кыймылынын башкаруучулугунун төрагасы, генерал-полковник Абдыгул Чотбаев
© Sputnik / Жантай Макенов
"Быйыл бардык айылдарда, мейли 15-20 адам болсо да иш-чара өткөрүлөт. Бул кубанарлык көрүнүш", — деди ал.
Ал эми Куралдуу күчтөрдүн Генералдык штабынын тарбия иштери боюнча башкармалыгынын башчысы Белек Абдрахманов мекеме иш-чараны өткөрүүгө көмөк көрсөтүүгө даяр экенин белгиледи.
Куралдуу күчтөрдүн Генералдык штабынын тарбия иштери боюнча башкармалыгынын башчысы Белек Абдрахманов
© Sputnik / Жантай Макенов
"Коргоо министрлигинин жетекчилиги тарабынан Куралдуу күчтөрдүн мекемелерине, ошондой эле аскер комиссариаттарына "Өлбөс полкту" жер-жерлерде, башкача айтканда, бардык ири шаарларда жана облус борборлорунда өткөрүүгө көмөк көрсөтүү тапшырмасы коюлду", — деди Абдрахманов.