БИШКЕК, 18-мар. — Sputnik. 18-19-март күндөрү абанын температурасынын жогорулашына байланыштуу Кыргызстандын тоолуу райондорунда кар көчкү түшөт. Бул тууралуу ӨКМ билдирди.
Унаалардын ортосундагы 500 метрлик аралыктагы кыймыл чектелиши зарылдыгы белгиленди.
"Мырзаке — Кара-Кулжа — Алайкуу унаа жолунун 55-115-чакырымдарында кар көчкү түшүүcү күтүлөт. Жолдор тайгак болуп муз тоңот", — деди ӨКМ.
Алыскы жолго чыгарда дөңгөлөк чынжырчасын, күрөк, дары-дармек топтомун, тамак-аш жана ысык суу алуу сунушталат. Кандайдыр бир кырсыкка күбө болгондор күнү-түнү иштеген 112 акысыз номерине чала алышат.