БИШКЕК, 3-мар. — Sputnik. Германиянын аскер адамдарынын Крым көпүрөсүнө сокку уруу ыктымалдуулугу тууралуу сөздөрү Берлин менен НАТОнун ортосуна жик салышы мүмкүн. Бул тууралуу Wall Street Journal жазды.
Гезит ачыкка чыгып кеткен сүйлөшүүлөрдө Улуу Британия, Франция жана АКШнын аскерлери Батыштын алдыңкы согуштук системаларын ишке киргизүүгө жардам берүү үчүн Украинага келгенин белгилеген, анткен менен аталган өлкөлөр бул фактыны четке кагууда.
"Маалыматтын ачыкталышы Германиянын жаалын келтирди, бул жагдай Берлин менен НАТО боюнча өнөктөштөрүнүн мамилесин курчутуп жибериши толук мүмкүн", — деп жазган басылма.
Эскерте кетсек, жума күнү "Россия сегодня" медиатобу менен RT телеканалынын башкы редактору Маргарита Симоньян колуна Бундесвердин жогорку кызматтагы офицерлеринин "Крым көпүрөсүн кантип бомбалай турганын" талкуулаган сөзүнүн аудиожазуусу түшкөнүн билдирген. Анын айтымында, аудидо германиялык офицерлер АКШ менен Улуу Британиянын аскерий адамдарынын атын атап, "булар жаңжалга көптөн бери катышып жатканын" талкуулашкан. Ошол күнү Симоньян сүйлөшүүнүн текстин, андан соң аудиожазуунун өзүн жарыялаган. Уга келгенде Бундесвердин төрт жогорку кызматтагы адамынын сүйлөшкөнүн байкоого болот. Алардын арасында Аскер-аба күчтөрүнүн операциялар жана машыгуулар бөлүмүнүн жетекчиси да бар, талкууга катышкандар Украинага Taurus ракеталарын жөнөтүүнү жана украиналыктардын Крым көпүрөсүнө сокку уруусун кеп кылышкан. Мындан тышкары, аталган ракеталарды жеткирүү жолдорун, украиналык аскерлерди Крым көпүрөсүнө "кызыл чийинден" өтпөгүдөй кылып сокку жасоого үйрөтүүнү, ошондой эле жаңжалга түз катышпай четке чыга берүүнүн ыкмаларын талкуулашканын угууга болот.
РФ ТИМинин расмий өкүлү Мария Захарова Германия офицерлеринин сүйлөшүүсү ачыкталгандан кийин Берлинден түшүндүрмө талап кылган. Тышкы иштер министри Сергей Лавровдун айтымында, офицерлердин сүйлөшүүсү боюнча кырдаал бир тарабынан өтө таң калычтуу, экинчи жагынан кадыресе көрүнүш экенин, анткени "натолук кесиптештерибиздин анык жүзү ачылганын" белгиледи.
РФ Коопсуздук кеңешинин төрагасынын орун басары Дмитрий Медведев аудиожазуудан кийин немецтер кайрадан Россиянын элдешкис душманына айланганын билдирди. Ага чейин Федерация кеңешинин вице-спикери Константин Косачев офицерлердин сүйлөшүүсү Германиянын чыныгы жүзүн ачып, канцлери Олаф Шольцтун Берлин украин жаңжалынан тыш деген сөзүн толугу менен четке какканын айткан.
Сүйлөшүүлөр ачыкталганга чейин Франция президенти Эммануэль Макрон Евробиримдик Укаринага орто жана алыска атылуучу ракеталарын жөнөтүү үчүн "тогузунчу коалиция" түзүлгөнүн билдирген эле. Ал, мындан тышкары, Франция Россиянын "бул согушта жеңүүсүнө жол бербөө үчүн" болгон аракетин көрө турганын билдирген. Өлкө башчынын айтымында, Батыш мамлекеттеринин лидерлери Украинага аскер жөнөтүүнү талкуулап, бирок азырынча бир пикирге келише элек.
Макрондун билдирүүсүнөн кийин дароо эле Германиянын канцлери Олаф Шольц менен коргоо министи Борис Писториус Германия Украинага аскер жөнөтпөй турганын, НАТО мамлекеттеринин дегеле андай ою жок экенин белгилешкен. Мындан тышкары, канцлер Украинага Taurus ракеталарын жөнөтүү да пландалбаганын кошумчалаган. Шольцтун сөзүнөн улам британиялык жана франциялык аскер күчтөрү Укаринада алыска атылуучу ракеталарды жайгаштыруу иштерине катышып жатканын билүүгө болот.