БИШКЕК, 2-мар. — Sputnik. Эмгек, социалдык камсыздоо жана миграция министрлиги ведомствонун жетекчиси Гүлнара Баатырова менен кантип жолугууга мүмкүн экенин түшүндүрдү.
Билдирмеге караганда, министр элди ар жума күнү саат 09:00дөн 11:00гө чейин кабыл алат. Эгер министрге же анын орун басарына жолугуп сүйлөшүү керек болсо, коомдук кабылдаманын 0 (312) 66-01-07 телефонуна билдирүү калтырып коюу сунушталды.
Министрлик Гүлнара Баатырова кошулган WhatsApp топтор түзүлгөнүн айтып, ал жакта орун басарлары, түзүмдүк-ведомстволук бөлүм, республика боюнча аймактык башкармалыктардын жетекчилери келип түшкөн суроолорго өз убагында жооп берерин кошумчалады.