БИШКЕК, 17-фев. — Sputnik. Жекшемби күнү Ош, Баткен облусунун көпчүлүк, Жалал-Абад, Нарын региондорунун айрым аймактарында, Талас менен Ысык-Көлдүн тоолуу райондорунда кар жаайт. Бул тууралуу Кыргызгидромет маалымдады.
Айрым жерлерде туман түшөт. Батыштан соккон шамалдын ылдамдыгы секундасына 4-9 метрге жетет.
Абанын температурасы Чүйдө -4...-9, Талас өрөөнүндө -5...-10, Ош, Жалал-Абад жана Баткен облустарында -4...+1, Ысык-Көлдө -2...-7, ал эми Нарында -3...-8 градус болот.
Ошто мезгил-мезгили менен кар жаайт. Күндүн табы Бишкекте -4...-6, Ош калаасында 0...-2 градуска төмөндөйт.