Кызыл Армия операциянын жүрүшүндө Нева дарыясынын жээгин бойлой, эни 11 чакырымга чейин келген коридор ачышкан. Ага чейин шаарды сырткы дүйнө, СССР деген мекени менен "Өмүр көлү" – Ладога көлү гана байланыштырып турган.
Улуу Ата Мекендик согуштун тарыхында бул кармаш да жоокерлердин каармандыгы менен эсте калганы айтылып келет. Айтмакчы, аскерлерге окоптон ойнолгон "Интернационал" (СССРдин гимни) дем берип турган дешет.
Блокада толугу менен 1944-жылдын 27-январында алынган.
Бул адамзат тарыхындагы эң узакка созулган жана эң каардуу курчоо болду. Ар кыл маалыматтар боюнча, андагы курмандыктардын саны 400 миңден 1,5 миллион кишиге чейин деп айтылып келет. Ленинград курчоосу 872 күнгө, тагыраагы, 1941-жылдын 8-сентябрынан 1944-жылдын 27-январына чейин уланган.
1944-жылдын январында блокада алынгандан кийин да немец жана фин аскерлеринин курчоосу уланган. 1944-жылдын августундагы операциядан кийин гана фашисттер шаардан алыс сүрүп салынган.
...1944-жылдын январында блокада азабын тарткан ленинграддыктар СССРдин башка республикалары сыяктуу Кыргызстанга да жөнөтүлгөн. Аталган калаадан эвакуациялангандар менен бирге 150 баланы Улуу Ата Мекендик согуш маалында кыргызстандык Токтогон Алтыбасарова аттуу инсан багып-өстүрүп, мээримин төккөн.