БИШКЕК, 13-окт. — Sputnik. 14-октябрь, ишембиде, күндүз айрым жерлерде жаан, тоолуу райондордо кар жаайт. Батыштан соккон шамалдын ылдамдыгы секундасына 4-9 метрден 15-20 метрге жетет. Мындай маалыматты Кыргызгидромет таратты.
Айрым аймактарда үшүк жүрүшү ыктымал. Туруксуз аба ырайы автоунаа, энергетика, коммуналдык кызматтардын ишин жана жайыттарда мал кармоону кыйындатат.
Абанын температурасы Чүйдө +7...+12, Талас, Нарын облустарында +6...+11, Ош, Жалал-Абад жана Баткен аймактарында +14...+19, Ысык-Көлдө +8...+13 градус жылуу болот.
Борбор калаада мезгил-мезгили менен жаан жаап, күндүн табы +9...+11 градуска жетсе, Ош шаарында күн ачык болуп +16...+18 градус жылуу болот.