Бишкек, 29-сен. — Sputnik. Канададагы Альберта университети украин улутчулу Ярослав Хунканын аты ыйгарылган билим берүүчү фондду жабууну чечти. Мындай кадам Россия элчилигин кайрылуусунан кийин жасалганын оттавадагы өкүл Олег Степанов билдиргенин РИА Новости жазды.
"Элчилик Альберта университетинде хункага жана анын бүлөсүнө таандык билим берүүчү фонд иштээрин аныктаган. Чуулуу окуядан кийин деле аталган фонд ишин расмий уланта берген. Биз университеттин жетекчилигине соцтармак аркылуу кайрылып, пикирин сурадык", — деген степанов.
Дипломаттын айтымында, жыйынтыгы көпкө күттүргөн эмес.
"Бир нече сааттан кийин эле университет фонддун жабыла турганын билдирип, акчасын кайтарарын айтты. Муну менен бирге кимдир бирөөгө ыңгайсыздык жаратып кайгыга салганы үчүн өкүнөрүн белгиледи. Элчилик өз ишин мыкты аткарды", — деди Степанов.
Эскерте кетсек, өткөн аптада владимир зеленскийдин сапарынын урматына канада парламентине 98 жаштагы Ярослав Хунка чакырылган. Ордунан туруп кол чаап тосуп алгандарга Хунка орустарга каршы согуштун ардагери катары тааныштырылган эле. Бирок чынында хунка сстин "Галичина" дивизиясынын жоокери. Бул дивизия украин нацисттеринен куралып, Кызыл армияга эле каршы согушпастан еврей, поляк, беларустарга, словактарга жасаган мыкаачылыгы менен да таанылган.
Канаданын премьер-министри жастин трюдо "кетирилген катачылык" үчүн кечирим сурап, хунканын чакырылган жоопкерчилигин общиналар палатасынын спикери энотони рота алып, отставкага кеткен.
Россия президентинин маалымат катчысы дмитрий песков канада бийлиги эсэсчини сот жообуна тартышы керектигин, болбосо башка өлкөгө өткөрүп берүүсү зарыл экенин белгилеген.