БИШКЕК, 29-сен. — Sputnik. Министрлер кабинетинин төрагасы Акылбек Жапаров өкмөт мүчөлөрүнө кайрылып, алдыда КМШ өлкөлөрүнүн лидерлери катышкан эл аралык иш-чаралар өтө тургандыгын эскертти.
Жапаров белгилегендей, 11-октябрда Россия президенти Владимир Путин мамлекеттик иш сапары менен келет. Ал эми 12-октябрда КМШ өлкөлөрүнүн башчыларынын саммити өтөт.
"25-октябрда КМШ, ЕАЭБ жана ШКУнун алкагында премьер-министрлердин баары келет. Ошондо өкмөттүн бардык мүчөлөрү ар бир делегацияга бекитилет. Ошондуктан өтүнүч, эч ким оорубасын. Мага сиздер менен иштешүү жагымдуу", — деди министрлер кабинетинин төрагасы.