БИШКЕК, 16-сен. — Sputnik. Жекшемби, 17-сентябрда, Лас-Вегаста UFC 285 турниринин алкагында кыргызстандык мушкер Валентина Шевченко мексикалык Алекса Грассо менен беттешет.
Мушкерлер ушул жылдын мартында күч сынашып, натыйжада Шевченко муунтуу ыкмасынан улам жеңилип калган. Бул кыргызстандык мушкер кыздын 2017-жылдан берки биринчи утулушу эле. Андан кийин Шевченко дароо эле реванш өткөрүүнү талап кылган.
Турнир каякта өтөт?
UFC Fight Night 227 турнири Лас-Вегаста болот. Шевченко менен Грассонун реваншы кеченин башкы беттеши болмокчу.
Беттеш канчада башталат?
Расписаниеге ылайык, катардагы кармаштар Бишкек убактысы боюнча болжол менен саат 5:00дө башталып, 8:00гө чейин созулат. Кеченин башкы беттеши — Шевченко менен Грассонун октаганго чыгуу убактысы саат 9:00-9:30га туура келет.
Каяктан көрсө болот?
Көптөгөн телеканалдар жана онлайн-платформалар мушташты акы төлөгөн катталуучуларына түз эфирден көрсөтөт. Ал эми "Матч ТВ" жана "Матч! Боец" телеканалдары бекер эле көрсөтөрүн убадалап жатат.
Ошондой эле Setanta Sports телеканалы да кармаштарды түз алып көрсөтөт (кээде аны бөгөттөп коюшат).
UFC Fight Pass сайтында бардык турнирлердин трансляциясы бар, бирок аталган видеосервиске катталуу шарт.