БИШКЕК, 1-сен. — Sputnik. Медитация адамдын психологиясына дагы, дене боюна дагы оң таасир этерин “Известияга” клиникалык психолог Мария Манина айтып берди.
“Илимий изилдөөлөр медитация стрессти жана тынчсызданууларды азайтып, ойду бир жерди топтоого, маанайды жакшыртууга жардам берерин тастыктаган. Ал эми дене бойго кандай таасир этет? Биздин психоэмоционалдык абалыбыз дене менен түз байланышта, стресстен арылганыбызда кан басым төмөндөп, иммундук система бекемделип, уйку калыбына келет”, — деген Манина.
Анын айтымында, ар бир адам өзүнө ылайыктуу медитацияны тандап, ички гармонияга ээ боло алат.
“Медитация бардык курактагы адамдарга ылайыктуу. Аны YouTube каналдардан деле карап жасоого болот. Башталышында эле адам өзүн жакшы сезип баштайт, акырындык менен дене, акыл жана жан дүйнө бир калыпка келет”, — деген адис.