БИШКЕК, 27-июл. — Sputnik. 2023-жылы Мамлекеттик материалдык резервдер фонду 40 миң тонна аштык буудай сатып аларын Айыл чарба министрлиги кабарлады.
Негизги талап – товар сапаттуулугу боюнча үчүнчү класстан төмөн эмес жана илээшкектиги (клейковина) 23 пайыздан кем эмес болушу шарт.
"Министрлик тарабынан 40 миң тонна көлөмдөгү аштык буудайдын квотасы облустарга бөлүштүрүп берилген", — деп айтылат билдирүүдө.
Ал эми илээшкектиги 23 пайыздан кем эмес буудайдын бир килограммынын баасын 23 сомдон деп Монополияга каршы кызмат бекиткен.