БИШКЕК, 11-июл. — Sputnik. Бишкек-2 — Балыкчы поезд каттамы 17-июлдан 31-августка чейин күн сайын жүргүнчүлөрдү ташый баштайт. Бул туурасында "Кыргыз темир жолу" ишканасынан кабарлашты.
От араба "Бишкек-2" бекетинен саат 07:40та чыгып, "Балыкчы" бекетине саат 11:46да жетет. Ал эми артка 17:48де чыгып, 21:54тө келет.
Билет баасы:
Жөнөкөй вагон: чоң адамдарга 150 сом, жаш балдарга 73 сом;
Люкс-вагон: чоң адамдарга 500 сом, жаш балдарга 250 сом.
Маалымат алуу үчүн мобилдик — 0705 076696, стационардык (0312) 30-02-09; 92-68-54; 92-68-40 телефон номерлерине чалууга болот.