БИШКЕК, 7-июн. — Sputnik. Жаңы туристтик объектилерди үч жылга салыктан бошотуу сунушталганын Туризм департаментинин жетекчисинин орун басары Кыял Кенжематова Sputnik Кыргызстан агенттигинин маалымат борборунда өткөн брифингде билдирди.
Анын айтымында, сунуш Экономика министрлигине жөнөтүлдү (департамент аталган ведомствонун карамагында). Мында кеп жаңы мейманканаларды, тоо-лыжа базаларын, туристтик жана этнокомплекстерди салыктан бошотуу тууралуу жүрүүдө. Максаты — жаңы объектилерге "бутуна туруп алууга" мүмкүнчүлүк берүү.
Кенжематова ушундай эле тажрыйбаны коңшу Өзбекстан колдонуп келерин, ал өзүнүн майнаптуулугун көрсөткөнүн кошумчалады.