БИШКЕК, 24-мар. — Sputnik. Борбор калаанын Көк-Жар айылындагы "Сары-Челек", "Сейтек", "Искендер" турак жай комплекстеринде 27-марттан 28-мартка чейин жаратылыш газын берүү убактылуу токтотулат. Бул тууралуу "Газпром Кыргызстан" ишканасынан кабарлады.
Көгүлтүр отту берүүнү убактылуу чектөө бир катар аймактардагы көп кабаттуу үйлөргө газ киргизүүгө жана газды жөнгө салуучу №62 пунктунун жабдууларын жогорку кубаттуулуктагы жабдууларга алмаштыруудан улам болгонун түшүндүрүштү.
Ишканадан шаар тургундарынан келтирилген ыңгайсыздыктар үчүн кечирим сурап, абалды түшүнүү менен кабыл алууну өтүнүшкөн.