БИШКЕК, 11-янв. — Sputnik. Бейшемби күнү Ысык-Көл өрөөнүнүн айрым жерлеринде кар жаайт. Калган облустарда жаан-чачын күтүлбөйт. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрге жетет.
Абанын температурасы Чүй, Талас, Ысык-Көл жергелеринде -14...-19, Ош, Жалал-Абад, Баткен облустарында -9...-14, ал эми Нарында -15...-20 градус суук болот.
Бишкек менен Ошто түнкүсүн кар жаайт. Термометрдин көрсөткүчү борбор калаада -14...-16 жана Ошто -11...-13 градус болуп төмөндөйт.