БИШКЕК, 3-янв. — Sputnik. Бишкекте бакчада баланын сабалган окуясы боюнча текшерүү жүрүп жатат. Бул тууралуу Бишкектин Октябрь райондук милициясынын маалымат кызматы кабарлады.
Милициянын маалыматында 3-январь күнү интернетке Бишкектеги жеке бала бакчалардын биринде баланы аял сабап жаткан видео тараган. Аталган факты каттоого алынып, тергөөгө чейинки текшерүү башталган жана тиешелүү экспертизалар дайындалган.
"Иликтөөнүн жүрүшүндө аталган окуя 5-кичирайондо жайгашкан инклюзивдик билим берүү борборлорунун биринде болгондугу аныкталды. М.Н. аттуу өспүрүм 2022-жылдын августтан тарта ал жакка барып жүргөн. Учурда тергөө иштери уланууда", — деп билдирди милиция.