БИШКЕК, 1-янв. — Sputnik. Жаңы жылдык майрамдарда иштөөгө аргасыз болгон адамдар кырдаалды туура кабыл алып, аны чоң көйгөйгө айлантпашы керек. Ошондой эле өзүн мактап, кандайдыр бир белек менен көңүлүн көтөрүү сунушталат. Бул тууралуу РИА Новостиге психолог Диана Генварская билдирген.
Адистин айтымында, жаңы жылдык майрам күндөрү иштен бошоп, толук кандуу эс алуу керек.
“Баары эс алып жаткан мезгилде сенин иштеп жатканың психикага терс таасирин тийгизет. Анткени андан кийин сен толук кандуу эс ала албайсың. Ар бир эле адам эс алуудан дароо жумушка өтө албайт”, — деген Генварская.
Ошондой эле майрам күндөрү иштөөгө аргасыз болгондорго бул нерсени жакшы жагынан карап, аны трагедияга айлантпоо керектигине кеңеш берген.
“Жаңы жылдык майрамдарда иштөөнү чоң көйгөйгө айлантпаш керек. Болгону адам өзүн иштейм, жумуш аткарам деген ой менен жеңил кабыл алуусу керек”, — деп кошумчалаган психолог.