ГЭС куруп, чубалгы тартып... Кыргызстан энергетиктеринин мээнеттүү эмгеги сүрөттө

16:11, 22 Бештин айы 2022
22-декабрь — кыргызстандык энергетиктердин кесиптик майрамы. Sputnik Кыргызстан агенттиги калкты жарык менен камсыз кылган кесип ээлеринин ишиндеги кызыктуу архивдик ирмемдерди сунуштайт.
Sputnik
Ысык-суукка карабай элди электр энергиясы менен үзгүлтүксүз камсыз кылууга аракет көргөн энергетиктерге чоң жоопкерчилик жүктөлгөн. Алардын карамагында азыр Токтогул, Күрп-Сай, Үч-Коргон, Шамалды-Сай, Таш-Көмүр, Ат-Башы ГЭСтери, Бишкек жана Ош ЖЭБи, Датка — Кемин көмөк чордону менен миңдеген чакырымга созулган электр чубалгылары бар.
Өлкөнүн булуң-бурчу, алыскы кыштак, мал сарайларга чейин электр жарыгын жеркирген тармакта 15 миңден ашык кызматкер эмгектенет. Кара жанын карч уруп ак кар, көк музда иштеген адистер миллиондогон жергиликтүү тургунду жарык менен камсыздайт.
Баса, Sputnik Кыргызстан республика кантип электрлештирилгени туурасында кызыктуу материал даярдаган.
1 / 17

Кыргызстандын энергетикасынын флагманы болгон Токтогул гидроэлектр станциясын курган жаратмандар. 1972-жыл

© Sputnik / Борис Кауфман
/
Медиабанкка өтүү
2 / 17

Гидрокуруучулар тоодогу күндүн ысыгынан калкаланууда. Жалал-Абад облусу, 1975-жыл.

© Sputnik / Всеволод Тарасевич
3 / 17

Борбор калаанын четиндеги азыркы Лебединовка ГЭСин курган кыз-келиндер. Ал гидроэлектростанция согуш маалында ишке берилген.

© Фото / Центральный Государственный архив кинофотофонодокументов КР
4 / 17

Нарын — Ат-Башы электр чубалгысында оңдоо иштерин жүргүзгөн жумушчулар, 1969-жыл

© Sputnik / Э. Вильчинский
/
Медиабанкка өтүү
5 / 17

Токтогул ГЭСинин гидроагрегатын ишке даярдаган энергетиктер

© Sputnik / Всеволод Тарасевич
6 / 17

Ак кар, көк муз баскан тоодо электр чубалгысын тарткан кызматкер

© Sputnik / Э. Вильчинский
/
Медиабанкка өтүү
7 / 17

Нарын дарыясынын боюна курулган Күрп-Сай ГЭСиндеги жумушчулар, 1982-жыл

© Sputnik / Борис Ушмайкин
8 / 17

Оор шартта иштеген монтаждоочулар. Жалал-Абад облусу, 1971-жыл.

© Sputnik / РИА Новости
/
Медиабанкка өтүү
9 / 17

Союз маалында ГЭСтердин курулушу күнү-түнү төрт мезгил бою жүргөн. 1974-жыл

© Sputnik / Георгий Зельма
10 / 17

Көмөк чордондун иштөөсүн көзөмөлдөгөн кызматкерлер. 1984-жыл

© Мамадалиев
11 / 17

Республикадагы гидроэлектростанциялардын курулушуна миңдеген киши катышып, миллиондор жумшалган. Ошентип өлкөнүн гидроэнергетикасы түптөлгөн.

© Sputnik / Сергей Соловьев
12 / 17

Токтогул гидроэлектростанциясында тоннелде иштеген жумушчулар. 1970-жыл

© Sputnik / Сергей Соловьев
13 / 17

Нарын дарыясынын боюнда тоо этектеринде иштеген ширетүүчүлөр. 1972-жыл

© Sputnik / Борис Кауфман
14 / 17

Күрп-Сай ГЭСинин куруучулары плотинанын тетиктерин оңдоодо. 1981-жыл

© Sputnik / Борис Ушмайкин
15 / 17

Союз маалында Нарын дарыясында эле кубаттуу 22 гидроэлектр станциясын курууга мүмкүн экендиги аныкталган. Энергетиктерди ташыган автобус, жүк ташуучу унаалар.

© Фото / Центральный государственный архив кинофотофонодокументов КР
16 / 17

Өлкөдөгү ГЭСтердин курулушуна альпинисттер да тартылган. Алар энергетиктерге чоң жардам көрсөткөн.

© Фото / пресс-служба ОАО "Электрические станции"
17 / 17

Үч-Коргон ГЭСинде жигердүү иштеген ширетүүчүлөр, монтаждоочулар

© Фото / пресс-служба ОАО "Электрические станции"
Тема боюнча:
Динозаврдын сөөгү, Будда эстелиги. Археологдор Кыргызстандан эмнелерди табышкан
Кыргызстандын жаратылышына кызыгып келген чет элдиктер. Архивдик ирмемдер
КыргызстанэнергетикатарыхСүрөт түрмөк