БИШКЕК, 29-окт. — Sputnik. 30-октябрда күндүз көпчүлүк аймактарда жаан, тоо этектеринде кар аралаш жамгыр, тоолуу райондордо кар жаашы күтүлөт. Бул тууралуу Кыргызгидромет билдирди.
Абанын температурасы Чүйдө +6...+11, Талас аймагында +5...+10, Ош, Жалал-Абад жана Баткен, Ысык-Көл облустарында +11...+16, Нарын өрөөнүндө +9...+14 градус жылуу болот.
Борбор калаада жана Ош шаарында күндүз мезгил-мезгили менен жаан жаап, күндүн табы Бишкекте +7...+9 градуска жетсе, Ошто +13...+15 градусту көрсөтүп турат.