БИШКЕК, 16-сен. — Sputnik. Баткендеги кыргыз-тажик чек арасындагы тутанган жаңжалдан жабыркаган кыргызстандыктардын саны 18ге жеткенин Саламаттык сактоо министрлиги билдирди.
Буга чейин ооруканаларда 11 адам бар экени айтылган болчу.
"Саат 11:00гө карата берилген маалымат боюнча, Баткен облустук ооруканасында 18 жабырлануучу жатат. Алардын абалы жана жаракаты кийинчерээк айтылат. Саламаттык сактоо уюмдары күчөтүлгөн тартипте иштөөдө", — деп жазылган билдирүүдө.
Дары-дармек, кан компоненттери жетиштүү.
Учурда чек арада эмне болуп жатканын Sputnik Кыргызстан жүргүзгөн тексттик трансляциядан билүүгө болот.