Конокторго Кыргызстандын көз карандысыздыкка жеткен тарыхы, ошондой эле тарыхый инсан Байтик баатырдын өмүр жолу сахналаштырылып көрсөтүлдү. Андан ары улуттук оюндардын жана спорттун 15 түрү тартууланды. Бир тарабында кыргыз күрөш, ары жагында ордо, бери жагында эр эңиш өттү. Эң эле кызыктуусу 31 чакырым аралыкка белгиленген ат чабыш болду.
Жайлоого 200дөн ашуун боз үй тигилип, жети дубан, эки шаар өзүнүн айылдарын курган. Этнобазарда кыргыздын улуттук буюм-тайымдары сатылды.
Иш-чарага мамлекет башчы Садыр Жапаров баштаган бийлик өкүлдөрү, экс-президенттер Сооронбай Жээнбеков жана Роза Отунбаева катышты.
Тема боюнча: