БИШКЕК, 20-авг. — Sputnik. Каймактын пайдалуу касиеттери тууралуу дарыгер-диетолог Лорен Манакер Eat This, Not That басылмасына айтып берди.
"Каймак сүттүн майынын бардыгын камтыйт. Көптөгөн изилдөөлөр бул азык жүрөк-кан тамыр ооруларынын өрчүп кетүүсүн алдын аларын аныктаган", — деди адис.
Мындан сырткары, каймакта ичеги-карындын иштешин жакшыртып, иммундук системаны бекемдөөгө жардам берген пайдалуу лактобактериялар бар.
Ошол эле учурда лактозаны көтөрө албагандар кычкыл сүт азыктарын абайлап жебесе, ичи көөп, ашказан бузула турганы эскертилген.