БИШКЕК, 29-июл. — Sputnik. Министрлер кабинети электр энергиясына болгон жаңы чексиз тарифин бекитти.
Өкмөттүн маалыматына ылайык, бардык каалоочулар электр кубатын чектөөсүз колдоно алат, бирок ал үчүн бир киловатт-саатына 5 сом 4 тыйындан төлөшү шарт.
"Бул категориядагы жарандарга электр энергиясын көп керектөөчү катары тариф киргизилет. Анда пайдаланган электр энергиясынын бардык көлөмү эсептелет. 700 киловатт-сааттык норма иштебейт", — деп айтылат маалыматта.
Жаңы тарифке ыктыярдуу негизде келишим боюнча өтсө болот.
Эске салсак, жакында эле Кыргызстанда жакынкы күндөрү колунда бар адамдар үчүн электр энергиясын чексиз колдонууга өзүнчө тариф киргизилери айтылган.