БИШКЕК, 29-июл. — Sputnik. Кара карагаттын пайдалуу касиети тууралуу "Известия" диетолог Елена Соломатинага таянып жазды.
Анын айтымында, мөмөнүн бул түрү С витаминине бай. Ал иммунитетти бекемдеп, инфекциялык оорулардан коргоого жардам берет.
Мындан сырткары, кара карагат картаюуну жайлатып, жаштын өтүшү менен пайда болгон оорулардын өөрчүшүн алдын алат.
"Мөмөдөгү С витамини жана антиоксиданттар жүрөк-кан тамыр ооруларын, онкологиялык дарттарды жана көз илдетинин өөрчүп кетишин алдын алат. Деги эле организмдин картайышына байланышкан ооруларды болтурбаганга жардам берет", — деп түшүндүрдү эксперт.
Соломатина карагаттын уругу да ден соолукка өтө пайдалуу экенин билдирди. Урукта каныкпаган май кычкылдары бар, бул атеросклерозду пайда кылган "жаман" холестеринден коргой алат.