БИШКЕК, 12-июл. — Sputnik. Өткөн суткада Кыргызстанда COVID-19дун жаңы 28 учуру катталды. Бул тууралуу Республикалык штаб кабарлады.
Билдирмеге караганда, илдет илештиргендердин арасынан 20сы оорунун белгилери пайда болгондо кайрылышса, алтоонон вирус өлкөдөн сыртка учарда ПЦР-тест тапшырганда аныкталган. Экөө Өзбекстан жана Казакстандан келгендер.
"Оору жуктургандардын ичинен алтоо коронавируска каршы эки ирет эмделген. Эки бейтап ооруканага жаткырылса, 20сы амбулатордук дарыланууда", — деп айтылат маалыматта.
Пандемия башталгандан бери өлкөдө жалпысынан 201 243 адамдан коронавирус табылган.