БИШКЕК, 4-июл. — Sputnik. 5-июлда Үрүмчү — Бишкек авиакаттамы жанданат. Бул тууралуу "Манас" эл аралык аэропортунун маалымат кызматы кабарлады.
Билдирмеге караганда, 5-июлдан тарта "Түштүк Кытай аба жолдору" авиакомпаниясы каттамдарды жумасына бир жолу, шейшемби күндөрү аткарып турмакчы. Учуу убактысы эки саат.
Аталган каттам пандемия башталганда токтотулуп, ортодон кайра каттай баштаган. Бирок 2021-жылдын март айында эпидемиологиялык кырдаал курчуп, рейсти токтотууга туура келген.