БИШКЕК, 3-июл. — Sputnik. Коңшу өлкөнүн Семей шаарында эл 495 теңгеден (83,3 сом) сатылып жаткан кумшекерди талашып бири-бирин тебелеп кете жаздады. Бул туурасында Sputnik Казакстан агенттиги Telegram каналына жазды.
Дүкөндө ар бир адамга 3 килограммдан гана сатылып жаткан, ошондуктан эл үй-бүлөсү менен жабыла келген.
Буга чейин Казакстандын премьер-министри Алихан Смаилов ажиотаждан пайдаланып кээ бир адамдар 700-800 теңгеден (120 сом) сатып жатканын билдирген. Анын айтымында, кумшекердин орточо баасы 480-490 теңге гана болушу керек.