БИШКЕК, 27-июн. — Sputnik. "Тазалык" муниципалдык ишканасы өз каражатына 100 таштанды контейнер сатып алганын мэрия билдирди.
Мындай мүмкүнчүлүк абоненттик базанын кеңейиши менен пайда болгон. Контейнерлер жергиликтүү өндүрүштөн чыккан.
Бул челектерди эскилиги жеткен контейнерлердин ордуна коюу пландалууда. Ал эми колдонууга мүмкүн болгондорун оңдоп-түзөө маселеси да каралмакчы.
"Контейнерлерди жылдырууга, ичиндеги таштандыны өрттөөгө, курулуш материалдарын таштоого, чогу өчө элек күлдү төгүүгө болбойт", — дешти мэриядан.
Эгер контейнерлердин бузулганын көрүп, уурдалганына күбө болсоңуз муниципалитет 0 (707) 48-61-62 WhatsApp номерине кабарлап коюуну өтүнөт.