БИШКЕК, 26-июн. — Sputnik. Кыргызгидромет агенттиги алдыдагы аптага карата аба ырайы тууралуу маалымат берди.
Ага ылайык, Бишкек шаарында апта ичинде күн ачык болот. Батыштан соккон шамалдын ылдамдыгы секундасына 4-9 метр болсо, 30-июнда жана 1-июлда 14 метрге жетиши күтүлөт.
Чүй облусунда дагы бул жумада жамгыр жаабайт, тоолуу райондордо гана өткүн өтүп басылат.
Талас облусунда 27-29-июнь күндөрү жаан-чачын болбойт, 30-июнь жана 1-июлда тоолуу аймактарда өткүн өтүп токтойт. 2-июлда күн чайыттай ачык болот.
Өлкөнүн түштүк региондору Ош, Жалал-Абад жана Баткен облустарында дагы күндүн көзү бузулбайт.
Жума ичинде Ысык-Көл, Нарын облустарында дагы жамгыр жаабайт.