БИШКЕК, 16-июн. — Sputnik. Кыргызгидромет аптанын акыркы эки күнүнө карата аба ырайынын божомолу тууралуу маалымат берди.
Ага ылайык, дем алыш күндөрү өлкөнүн айрым жерлеринде күн ачык болсо, кээ бир аймактарына жамгыр жаайт. Бишкекте жаан-чачын күтүлбөйт. Абанын температурасы 34 градуска чейин ысышы ыктымал.
Чүй, Талас облустары
Чүйдө 18-19-июнь күндөрү тоолуу райондордо өткүн өтүшү мүмкүн, дыйканчылык аймактарында жаан-чачын күтүлбөйт. Абанын температурасы 33 градуска чейин ысыйт. Таласта 19-июнда күндүз өткүн өтүшү ыктымал. Башка учурда күн ысык болуп, абанын температурасы 29...31 градусту көрсөтөт.
Ош, Баткен, Жалал-Абад облустары
Ош облусунун дыйканчылык аймактарында жаан себелеп, тоолуу райондоруна жамгыр катуу жаашы күтүлүүдө. Жалал-Абад жана Баткен облустарында 19-июнь күнү гана жаан жаайт. Ишембиде күн ачык болуп, абанын температурасы 32...34 градуска чейин ысыйт.
Нарын, Ысык-Көл облустары
Дем алыш күндөрү Ысык-Көлдө өткүн өтүп, жаан жаайт. Анткен менен абанын температурасы 25 градуска чейин ысык болот. Нарында дагы жаан жаай турганы айтылды. Абанын температурасы 20...25 градусту көрсөтөт.