БИШКЕК, 2-июн. — Sputnik. Башкы прокуратура саламаттык сактоо министри Алымкадыр Бейшеналиев колго түшүрүлгөн учурдун видеосун жарыялады.
Эске салсак, Бейшеналиев бюджеттик каражатты мыйзамсыз түрдө адалдоо ыкмасын уюштурду деп бүгүн кармалган. Кеп вакцинаны негизсиз сатып алуу тууралуу болуп жатат.
Министрге Кылмыш-жаза кодексинин 336-беренеси ("Коррупция") менен кылмыш иши козголуп, тергөө амалдары жүргүзүлүүдө.
Мындан сырткары, саламаттык сактоо министри жана башка кызмат адамдарынын үстүнөн беш коррупциялык иш козголуп, тергелүүдө.