БИШКЕК, 22-май — Sputnik. Кыргызстанда 3 433 диний бирикме жана уюмдар каттоодон өткөн. Бул тууралуу Статистика боюнча улуттук комитетинин 2021-жылдын жыйынтыгы боюнча чыгарган жыйнагында камтылган.
Ага ылайык, диний уюмдардын саны жыл сайын өсүп жатат. 2010-жылы 2 279у катталса, ушул кезге чейин ага дагы 1 154 уюм кошулган.
Анын ичинен конфессиялар боюнча бөлүп эсептегенде ислам динин кармангандардын 3 007, христиандардын 412 уюму бар. Иудаизм менен буддизм динине ишенгендер бирден бирикме ачышкан. Башка диний агымдар жана ишенимдер 12ни түзөт.