БИШКЕК, 11-май — Sputnik. Ош — Баткен — Раззаков жолунун бир тарабы ачылды. Бул тууралуу ӨКМдин маалымат кызматы кабарлады.
Эске салсак, 11-май күнү саат 18:00 чамасында катуу жааган жаандан улам сел жүрүп, Ош — Баткен — Раззаков жолу жабылган.
"Кечки саат 20:30да жолдун бир тарабы ачылды. Жеринде ӨКМдин Баткен райондук бөлүмүнүн, жол тейлөө ишканасынын кызматкерлери жана атайын техникалар иштеп жатат", — деп айтылат маалыматта.
Sputnik Кыргызстан Telegram каналына Баткен облусунун Кадамжай районунда жүргөн селдин видеосу пайда болду.
Анда жолду суу алып кеткенин көрүүгө болот. Жабырлануучулар тууралуу маалымат жок.