БИШКЕК, 11-апр. — Sputnik. Казакстан 11-апрелде түнкү саат 12:00дөн кийин чек арасынан автоунаа өткөрүүгө коюлган чектөөлөрдү алып салды. Бул тууралуу Кыргызстандын Чек ара кызматы билдирди.
Ошол эле учурда COVID-19 анализинин терс натыйжасы көрсөтүлгөн ПЦР-тест же эмдөөнүн, ревакцинациянын толук курсунан өткөндүгү тууралуу документти милдеттүү түрдө көрсөтүү талабы сакталып калат.
Кыргыз-казак чек арасынан автотранспорт каттамы менен өтүүгө 2020-жылы жазында коронавирустун жайылышына байланыштуу чектөө кирген болчу.