Салижан Жигитов 1936-жылы 17-мартта Ош облусунун Өзгөн районундагы Көлдүк айылында жарык дүйнөгө келип, 11 жашында энесинен, 14 жашында атасынан ажырап томолой жетим өскөн. Борбор калаадагы №5 интернатка келип билим алып, ыр, макалаларын гезиттерге жарыялаган.
Окумуштуу өзүнүн чыгармачылыгында котормочулук, сынчылык менен да алектенген. Кыргызстан эгемендүүлүк алган жылдары президент Аскар Акаевдин кеңешчиси, өлкөнүн Өзбекстандагы атайын жана ыйгарым укуктуу элчиси кызматын аркалаган. Үч жылдан кийин Кыргыз-Түрк "Манас" университетинин проректору, гуманитардык илимдер институтунун директору болуп кайра эле агартуучулукка кайтып келген.
Салижан Жигитов жубайы Кимия Токтосунова менен 40 жыл бирге түтүн булатып, бир уул, бир кызды тарбиялап өстүргөн. Кыргыздын чыгаан уулу 2006-жылы 11-февралда 69 жашында бул дүйнө менен кош айтышкан.
Тема боюнча: