БИШКЕК, 18-мар. — Sputnik. Министрлер кабинетинин төрагасынын биринчи орун басары Арзыбек Кожошев Москва шаарына жумушчу сапары менен барып, Россиянын вице-премьери Алексей Оверчук менен жолукту.
Өкмөттүн маалымат кызматынан билдиргендей, тараптар соода-экономикалык кызматташуунун актуалдуу маселелерин талкуулашты.
"Өзгөчө басым транспорт, өнөр жай кооперациясы жана айыл чарба тармактарына коюлду", — деп айтылат билдирүүдө.
Ошондой эле Россиядагы Соода-экономикалык, илимий-техникалык жана гуманитардык кызматташуу боюнча өкмөттөр аралык комиссиянын кийинки кеңешмесинин болжолдуу мөөнөтү талкууланды.