Совет убагында кыска толкундуу радиосигнал бирде кысымга кептелип, бирде чыгып, кийин Россиянын доорунда интернет жана спутник менен алмашылгандыктан техникалык эскилиги жеткен радио берүү токтогон.
Аталган федералдык мекеменин 60 жылдык мааракесинин алдында "Немец толкунунун" москвалык бюросунун жетекчиси Юрий Решетого Россиянын Тышкы иштер министрлиги жума күнү саат 9га чейин кабарчылар пунктун жабуу боюнча маалымдама расмий тапшырылды. РИА Новости агенттиги ушул жагдайдын тегерегиндеги Максим Соколовдун учкай макаласын жарыялаган.
Маалымат каражатын каттаган тараптын мындай чечкиндүүлүгү DW немец кызматкерлери (негизинен орустар) үчүн таптакыр күтүүсүз болду.
Анткен менен 2-февралда Россия ТИМи маалымат каражаттары үчүн билдирүү деле жарыялаган. Германиядагы RT DE телеканалынын жабылышына россиялык тараптын чара көрүүсү төмөнкүчө болду:
а) DW корпунктун жабуу;
б) DW бюросунун бардык кызматкерлеринин аккредитациясын жоюп салуу;
в) Россия аймагында DW радиосунун спутник жана башка түрдөгү берүүлөрүн токтотуу;
г) DW чет өлкөлүк агенттин функциясын аткарган чет элдик маалымат каражаты деп таануу маселесин кароону демилгелөө;
д) Россия аймагына киргизүүгө тыюу салуу үчүн RT DE телеканалын көрсөтүүлөрүн чектөөгө тиешеси бар Германиянын мамлекеттик жана коомдук түзүмдөрүнүн өкүлдөрүнүн тизмесин (жарыяланбайт) түзүү ишин баштоо.
Бул аталган мамлекет үчүн күн мурунтан эскертилгени белгилүү. ГФРдин тышкы иштер министри Аннален Бербок быйыл 18-январда Москвага келгенинде Смоленск аянтында ага RT DE кандай жабылса, DW радиосуна да карата ошондой чара көрүлөрү айтылган. Жыйыштырууга эки апта берилген. Алар тарап канчалык кыжыры келсе да, "сыйга – сый, сыр аякка – бал" негизинде чара көрүлүүдө.
DW башкы директору Герр Лимбур россиялык бийлик тарабынан көрүлгөн чаралар таптакыр түшүнүксүз, чукул жасалган реакция" катары сыпаттап, ал эми Журналисттердин немец биримдиги (DJV) ФРГ өкмөтүн бул кадамды "цензура акты деп каршы чара көрүүгө" үндөдү.
Анда эмнеге алар тараптан RT DE телеканалы жабылып жатканда ушундай реакция болбоду? Алардын мындай билдирүүлөрү чагылышкан чара көрүү учурунда дипломатиялык мекемелердин кадамдары кандай болорунан таптакыр кабарлары жоктугун айгинелейт.
Дипломатиялык жөрөлгөлөр да жөн кишилерден чыкпагандыр, ал эми азыркы журналист жана саясатчылар андай каада-салтты такыр укпагандай түр көрсөтүшөт.