БИШКЕК, 28-янв. — Sputnik. Баткенде электр чубалгыларынын бардыгы калыбына келтирилип, айыл тургундардын үйүнө жарык берилди. Бул тууралуу Энергетика министрлиги кабарлады.
Эске салсак, кечээ, 27-январда, тажик тараптын ок атуусунан Самаркандек көмөкчү чордонунан чыккан Орто-Боз аба чубалгысы үзүлүп, бир нече айылда жарык өчкөн.
Мунун айынан Ак-Сай, Көк-Таш, Орто-Боз, Жаңы-Бак, Таш-Тумшук, Көк-Терек айылдары жана Мазейит аймагы электр энергиясыз калган.
Электр жабдуулары "Ош электр" ишканасынын кызматкерлери тарабынан калыбына келтирилген.