БИШКЕК, 11-янв. — Sputnik. Кыргызстан өткөн жылдын январь айынан октябрь айына чейин баалуу металлдын 3 086,7 тонна калдык жана сыныктарын экспорттогон. Бул тууралуу Улуттук статистика комитети кабарлады.
Жалпысынан товар 8,6 миллион доллардан ашуун каражатка бааланган.
Сатып алган өлкөлөр:
Россия — 1 255 тонна;
Литва — 676,1;
Эстония — 649,8;
Германия — 396,4;
Гонконг (Кытайдын атайын административдик району) — 55,3;
Нидерланддар — 54,1.
2020-жылы ушул эле убакта баалуу металлдын 3 467,8 тонна сыныгы жана калдыгы 11,6 миллион долларга сатылган.