БИШКЕК, 10-янв. — Sputnik. УКМКнын Чек ара кызматы кыргыз-казак мамлекеттик чек ара аймагындагы өткөрүү жайларынын иштөө тартиби өзгөргөндүгүн маалымдады.
"Ак тилек" (Кыргызстан) — "Карасу" (Казакстан):
Кыргызстандын жана чет өлкөлүк жарандарга Казакстандын аймагына кирүүгө убактылуу чектөө коюлду;
Казакстандын аймагында жүргөн Кыргызстандын жана чет өлкөлүк жарандар "Ак тилек" көзөмөл өткөрүү жайы аркылуу кирип, Кыргызстандын аймагында жүргөн Казакстандын жарандары чыга алышат;
оор жүк ташуучу транспорт каражаттары COVID-19га байланыштуу болгон чектөөлөрдү эске алуу менен "Ак тилек" көзөмөл өткөрүү жайы аркылуу эч кандай тоскоолдуксуз кирип чыга алышат.
"Чалдыбар" (Кыргызстан) — "Сыпатай Баатыр" (Казакстан):
Кыргызстандын жарандарына Казакстандын аймагына кирүүгө убактылуу чектөө коюлду;
Казакстандын аймагында жүргөн Кыргызстандын жана чет өлкөлүк жарандар "Чалдыбар" бекети аркылуу кирип, Кыргызстандын аймагында жүргөн Казакстандын жарандары чыга алышат;
оор жүк ташуучу транспорт каражаттары COVID-19га байланыштуу болгон чектөөлөрдү эске алуу менен "Чалдыбар" өткөрүү жайы аркылуу эч кандай тоскоолдуксуз кирип чыга алышат.
"Ак жол" (Кыргызстан) — "Кордай" (Казакстан):
Кыргызстандын жарандарына Казакстандын аймагына кирүүгө убактылуу чектөө коюлду;
Казакстандын аймагында жүргөн Кыргызстандын жана чет өлкөлүк жарандар "Ак жол" көзөмөл өткөрүү жайы аркылуу кирип, Кыргызстандын аймагында жүргөн Казакстандын жарандары чыга алышат;
"Чоң-Капка" (Кыргызстан) — "Айша Биби" (Казакстан):
Кыргызстандын жарандарына Казакстандын аймагына кирүүгө убактылуу чектөө коюлду;
Казакстандын аймагында жүргөн Кыргызстандын жана чет өлкөлүк жарандар "Чоң-Капка" бекети аркылуу кирип, Кыргызстандын аймагында жүргөн Казакстандын жарандары чыга алышат;
Казакстандын аймагы аркылуу каттаган транзиттик оор жүк ташуучу транспорт каражаттары COVID-19га байланыштуу болгон чектөөлөрдү эске алуу менен "Чоң-Капка" пункту аркылуу кирип чыга алышат.
"Каркыра" (Кыргызстан) — "Кеген" (Казакстан):
Кыргызстандын жарандарына Казакстандын аймагына кирүүгө убактылуу чектөө коюлду;
Кыргызстандын аймагында жүргөн Казакстандын жарандары гана "Каркыра" көзөмөл өткөрүү жайы аркылуу чыга алышат;
Учурда кыргыз-казак мамлекеттик чек ара аймагындагы өткөрүү жайларында жарандардын жана транспорт каражаттарынын тыгыны байкалган жок.