БИШКЕК, 30-дек. — Sputnik. Бишкектин борбордук аянты 31-декабрь күнү саат 17:00дөн баштап жабык болот. Бул тууралуу Кайгуул милиция башкармалыгынын маалымат катчысы Байказы Айтикул уулу билдирди.
Жаңы жыл майрамын белгилөө иш-чарасына байланыштуу ушундай чечим кабыл алынган. Буга чейин мэрия борбордук аянтта майрамдык концерт 19:00дө башталарын эскерткен.
Тагыраак айтканда, калаанын "Ала-Тоо" жана эски аянттарынан өтүүчү жол жабылат.
Жабыла турган жолдор:
Чүй проспектисинин Панфилов көчөсүнөн Эркиндик проспектисине чейин;
Орозбеков көчөсүнүн Рыскуловдон Чүй проспектисине чейин;
Раззаков көчөсүнүн Рыскуловдон Чүй проспектисине чейин;
Кайгуул милиция жаралган ыңгайсыздыктар үчүн кечирим сурайт.