БИШКЕК, 30-дек. — Sputnik. Бишкек ШИИББдин маалымат кызматы Кайгуул милициясынын автоунааларынын жарыгы менен музыканы айкалыштырып, өзгөчө видео куттуктоо жарыялады.
"Келе жаткан 2022-жаңы жылдын башталышынын алдында бардык жарандарга жана балдарга чың ден соолук, бакубат жашоо жана чексиз тынчтык күндөр менен бактылуу жашоо каалайбыз", — деп жазылган маалыматта.
Шаардык милициянын кызматкерлери тургундар менен коноктордун бейпил жашоосу үчүн күнү-түнү нөөмөттө экенин билдирди.