Депутаттар ант бергенден кийин расмий түрдө кызматка киришти деп саналат. Андан соң VII чакырылыштын алгачкы жыйыны өтүп, фракциялардын курамы айтылды. Кийин Жогорку Кеңештин төрагасын шайлоого өтүштү.
Кыргызстанда парламенттик шайлоо 28-ноябрда өткөн. Анын жыйынтыгына ылайык, парламентке 90 адамдын ордуна 88 киши депутат болуп катталды. Бирок № 30 Ысык-Ата шайлоо округунан шайланган Акбөкөн Таштанбеков УКМКнын тергөө абагында отурганына байланыштуу мандат алууга келген жок.
Ал эми Биринчи май жана Свердлов шайлоо округдарында "баарына каршы" деген графа көп добуш алган. Бул аймакта 27-февралда кайрадан шайлоо өткөрүлөт. Мыйзам боюнча, партиялык тизме менен 54, бир мандаттуу округдан 36 депутат шайланат.
Тема боюнча: