БИШКЕК, 27-дек. — Sputnik. Бүгүн эртең менен Ош облусунда турак үйдөн чыккан өрттөн төрт киши каза болду. Бул тууралуу ӨКМден билдиришти.
Ага ылайык, Өрт өчүрүү кызматына Ноокат районунун Көк-Жар айылында жайгашкан турак үйдөн өрт чыккандыгы тууралуу маалымат 6:50дө түшкөн. Жерине эки өрт өчүрүүчү бөлүм тартылып, саат 9:28де тилсиз жоону чектөөгө алган.
"Кырсыктын кесепетинен 41 жана 39 жаштагы эки аял, 12 жана 2 жаштагы балдар көз жумду", — деп айтылат билдирүүдө.
Учурда өрттү толук өчүрүү иштери жүргүзүлүүдө.